ថៃ៖ គណៈកម្មាធិការជាតិអូឡាំពិកថៃថា ថៃនឹងមិនបញ្ជូនអត្តពលិកទៅប្រកួតក្នុងវិញ្ញាសារគុនខ្មែរនៅក្នុងស៊ីហ្គេមឆ្នាំ២០២៣ នោះទេ។ នេះបើយោងតាមសារព័ត៌មាន Bankok Post ចេញថ្ងៃទី៣១ ខែមករា ឆ្នាំ២០២៣។

អនុប្រធានគណៈកម្មាធិការជាតិអូឡាំពិកលោក Chaipak Siriwat បាននិយាយថា កម្ពុជាដែលជាម្ចាស់ផ្ទះស៊ីហ្គេមបានបង្កើតសហព័ន្ធគុនខ្មែរអន្តរជាតិ (KIF) ដើម្បីជំនួសសហព័ន្ធអន្តរជាតិនៃសមាគម មួយថៃ (IFMA) ដែលបានជំនួសទាំងតួនាទីថៃទាំងអស់ក្នុងការប្រកួតប្រដាល់សេរីដើម្បីដណ្តើមមេដាយមាសចំនួន ១៧ក្នុងការប្រកួតស៊ីហ្គេម ដោយគ្រាន់តែផ្ញើអនុស្សរណៈខ្លីមួយប៉ុណ្ណោះមកខ្លួន។ ដូច្នេះគណៈកម្មាធិការជាតិអូឡាំពិកថៃនឹងមិនបញ្ជូនកីឡករទៅប្រកួតទេ។

គួរឱ្យដឹងដែរថា គណៈកម្មាធិការជាតិរៀបចំកីឡាអាស៊ីអាគ្នេយ៍លើកទី៣២ ឆ្នាំ២០២៣ (CAMSOC) បានធ្វើលិខិតមួយច្បាប់ប្រាប់ដល់គណៈកម្មាធិការ អូឡាំពិកនៃប្រទេសអាស៊ានទាំងអស់ថា កម្ពុជាបានប្រើប្រាស់គុនខ្មែរជាផ្លូវការជំនួសពាក្យ Muay សម្រាប់ការប្រកួតកីឡាស៊ីហ្គេម ឆ្នាំ២០២៣ ខណៈក្នុងកិច្ចប្រជុំនៃការដាក់ប្រភេទកីឡាគុនខ្មែរ សម្រាប់ស៊ីហ្គេម២០២៣ គឺទទួលបានការគាំទ្រពី ៨ប្រទេស ដូចជាឡាវ វៀតណាម មីយ៉ាន់ម៉ា ម៉ាឡេស៊ី ឥណ្ឌូណេស៊ី ហ្វីលីពីន ថៃ រួមទាំងម្ចាស់ផ្ទះ កម្ពុជា៕